"Barselona" sardori Serxio Buskets joriy mavsum yakunida jamoani tark etishini oldindan bilgan edi. Mundo Deportivo xabariga ko‘ra, ispaniyalik yarim himoyachi joriy mavsumni boshlaganida shuni yodda tutgan.
Buskets "Barselona"ni erkin agent sifatida tark etish qarori haqida o‘z sheriklarini xabardor qilgan edi. Serxioning keyingi klubi Saudiya Arabistoni jamoasi bo‘lishi mumkin, u yerda futbolchiga qulay moliyaviy shartlar taklif qilingan.
Manbaga ko‘ra, bir paytlar Buskets Lionel Messi bilan uchrashish umidi uchun "Barselona"da qolish haqida o‘ylagan. Biroq, argentinalikning qaytishi katta shubha ostida bo‘lganligi sababli, Serxio vaziyatning hal bo‘lishini kutmaslikka qaror qildi.
