«Real»ning fransuz yarim himoyachisi Eduardo Kamavinga yozgi transfer oynasida klubni tark etish imkoniyatini ko‘rib chiqmayapti. Bu haqda jurnalist Ramon Alvares de Mon xabar bermoqda.
Manba bergan ma’lumotlarga ko‘ra, Kamavinga «Real»da qolishni va asosiy tarkibdan joy olish uchun kurashishni xohlaydi. Uning jamoadan ketishi faqat «qaymoqranglilar»ga juda foydali taklif tushsa va xavbekning o‘zi hozirgi fikrini o‘zgartirsagina amalga oshishi mumkin.
Yakunlangan mavsumda Kamavinga barcha musobaqalarni hisobga olgan holda 43 ta o‘yinda maydonga tushdi. Ushbu uchrashuvlarda u ikkita gol urdi va bitta golli uzatma muallifiga aylandi.
