Xabaringiz bor, Lionel Messi «PSJ» ruxsatisiz Saudiya Arabistoniga ketib qolgani uchun klub uni ikki haftaga mashg‘ulotlardan chetlatgandi. Ammo oradan bir hafta o‘tar-o‘tmas Leo maxsus video orqali klubdan uzr so‘radi va shundan so‘ng u jamoa mashg‘ulotlariga qaytdi.
"RMC Sport" tarqatgan xabarga ko‘ra, Messi klubdan chetlatilgani haqidagi xabarni olgach, uning vakillari jazoni imkon qadar tezroq bekor qilish va Leoni klub mashg‘ulotiga qaytarish ustidan ish boshlashgan.
Messining agentlari va «PSJ» o‘rtasida hufyona uchrashuv o‘tkazilgan. Unda esa futbolchi uzr so‘rashi kerakligi va shunday so‘ng mashg‘ulotga qaytishi haqida kelishuvga erishilgan.
Messi "PSJ"ning keyingi o‘yinida maydonga tushadimi yoki yo‘qmi, hozircha aniq emas.