Madridning «Real» klubi bosh murabbiyi Karlo Anchelotti Ispaniya chempionati doirasidagi «Xetafe» bilan ertangi o‘yin haqida umidlari bilan o‘rtoqlashdi.
Ushbu o‘yinda italiyalik mutaxassis o‘rinbosarlar jamoasiga imkon beradi, chunki u «Etihad»da bo‘lib o‘tadigan «Manchester Siti»ga qarshi Chempionlar ligasining yarim final javob bahsi oldidan asosiy futbolchilarga dam berishni xohlaydi.
«Biz ligada omon qolish uchun kurashayotgan kuchli jamoaga qarshi o‘ynaymiz, shuning uchun yangi futbolchilarga imkon berishim mumkin.
Aynan kim maydonga tushadi, hali hech narsa ayta olmayman. «Xetafe»ga ustunlik berishni xohlamayman», dedi Anchelotti matbuot anjumanida.
