«Bavariya» bosh murabbiyi Tomas Tuxel jamoasining Bundesliga chempionligi uchun imkoniyatlarini baholadi.
Musobaqa tugashiga 3 tur qolganda myunxenliklar Dortmundning «Borussiya»sidan bir ochkolik ustunlikka ega.
Oxirgi marta 2011/12 yilgi mavsumda «Bavariya» Germaniya chempionligini qo‘lga kirita olmagan, o‘shanda «Borussiya» chempion bo‘lgandi.
«Yo‘qotadigan hech narsamiz yo‘q, lekin nimadir yutishimiz kerak. Hamma Bundesliga unvoni «Bavariya»ga tegishli deb o‘ylaydi, ammo bunday emas, biz buning uchun kurashishimiz kerak.
Shu bois endi chempionlik uchun kurashyapmiz. Ayni damda biz «Borussiya»dan bir ochko oldindamiz, demak hammasi o‘z qo‘limizda. Men faqat o‘z jamoamga e’tibor qarataman», - dedi Tuxel matbuot anjumanida.
