«Бавария» бош мураббийи Томас Тухель жамоасининг Бундеслига чемпионлиги учун имкониятларини баҳолади.
Мусобақа тугашига 3 тур қолганда мюнхенликлар Дортмунднинг «Боруссия»сидан бир очколик устунликка эга.
Охирги марта 2011/12 йилги мавсумда «Бавария» Германия чемпионлигини қўлга кирита олмаган, ўшанда «Боруссия» чемпион бўлганди.
«Йўқотадиган ҳеч нарсамиз йўқ, лекин нимадир ютишимиз керак. Ҳамма Бундеслига унвони «Бавария»га тегишли деб ўйлайди, аммо бундай эмас, биз бунинг учун курашишимиз керак.
Шу боис энди чемпионлик учун курашяпмиз. Айни дамда биз «Боруссия»дан бир очко олдиндамиз, демак ҳаммаси ўз қўлимизда. Мен фақат ўз жамоамга эътибор қаратаман», - деди Тухель матбуот анжуманида.
