Toshkentda o‘tkazilayotgan boks bo‘yicha erkaklar o‘rtasidagi jahon chempionatida yarim final janglari yakuniga yetdi. 13 vazn toifasida 26 nafar sportchi chempionlik uchun ringga ko‘tariladi.

O‘zbekistonning 9 nafar a’zosi yarim final janglari ishtirok etgandi, ularning 7 nafari finalga chiqdi. Bu borada delegasiyamiz yetakchi bo‘lib turibdi. Bu esa boksimiz tarixidagi eng yaxshi natija hisoblanadi. Gamburg-2017 va Yekaterinburg-2021 turnirlarida O‘zbekistonning 4 bokschisi finalda qatnashgandi.

Yarim finalda qatnashgan Qozog‘istonning 5 nafar bokschisi g‘alaba qozonib, finalga chiqdi. Bu jihatdan qo‘shnilarimiz 2-pog‘onani band etishdi. Kuba esa finalda 4 sportchisi bilan kuchli uchlikka kirdi.

Fransiya va Rossiyaning 2 bokschisi oltin medal uchun jang qilsa, Gruziya, Mo‘g‘uliston, Braziliya, Xitoy, Ozarboyjon va Italiyaning bir nafardan a’zolari finalgacha yetib kelishdi.

Finalga bokschilari yetib kelgan mamlakatlar:

7 — O‘zbekiston;
5 — Qozog‘iston;
4 — Kuba;
2 — Rossiya, Fransiya;
1 — Gruziya, Mo‘g‘uliston, Braziliya, Xitoy, Ozarboyjon, Italiya.