Bernardu Silva «Oltin to‘p»ni qo‘lga kiritish nega unga qiyin ekanini tushuntirdi.
«Albatta, men «Oltin to‘p»ni qo‘lga kiritishni xohlardim. Ammo endi bu sovrin hal qiluvchi gollarni urgan futbolchilarga beriladi.
Men ko‘proq jamoaviy o‘yinchiman, lekin kuchli o‘ttiztalikda o‘z nomimni ko‘rganimdan g‘ururlandim. Tan olaman, ro‘yxatda Lionel Messi va Krishtianu Ronaldu kabi eng yaxshi futbolchilar qatorida o‘z ismimni ko‘rish g‘alati bo‘ldi. Bu yaxshi tuyg‘u.
«Oltin to‘p»ni qo‘lga kiritish men uchun juda qiyin bo‘ladi, chunki ular odatda hal qiluvchi gol uradigan futbolchilarni ajratib ko‘rsatishadi», dedi «Manchester Siti» yarim himoyachisi.
