«Napoli» bosh murabbiyi Luchano Spaletti yaqin orada klub prezidenti bilan uchrashadi va u yerda tomonlarning kelgusidagi hamkorlik tafsilotlarini muhokama qiladi.

Tuttomercatoweb xabariga ko‘ra, mutaxassis o‘z maoshining yiliga 4,5 million yevrogacha oshirilishini xohlaydi. Amaldagi kelishuvga ko‘ra, Spalettining maoshi 2,8 mln.

Eslatib o‘tamiz, Luchano boshchiligida Neapol klubi muddatidan avval A Seriya chempioniga aylangandi. Bu «Napoli»ning 1990 yildan beri ilk skudettosidir.

Spaletti va klub o‘rtasidagi shartnoma joriy mavsum oxirida yakuniga yetadi.