«Liverpul» bosh murabbiyi Yurgen Kloppning fikricha, bu mavsumda jamoaning kayfiyati borasida hech qanday muammo yo‘q.
Mersisaydliklar omadsiz mavsum o‘tazmoqda: jamoa kubokdagi turnirlarning birortasida ham muvaffaqiyat qozona olmadi, chempionatda esa faqat to‘rtinchi o‘rin uchun kurashishga majbur.
«Men hech qachon o‘yinchilarga ularning mentaliteti haqida savol bermaganman - bu borada ular o‘zgacha.
Shunga qaramay, afsuski, bizda juda ko‘p yomon o‘yinlar bo‘ldi. Bu normal holatdir, lekin menimcha, mashaqqatli davrimiz negadir cho‘zilib ketdi», dedi Klopp 15 may kuni «Lester»ga qarshi o‘yin oldidan matbuot anjumanida.
