«Liverpul» bosh murabbiyi Yurgen Klopp Darvin Nunyesning formasi haqida o‘z fikrlari bilan o‘rtoqlashdi.

Urugvaylik hujumchi o‘tgan yozda mersisaydliklar tomonidan juda katta pulga sotib olingandi, ammo hozircha umidlarni oqlay olmadi. Endilikda u Premyer-ligada 29 ta o‘yinda 9 ta gol urgan.

«Unga moslashishi uchun vaqt bering - yaxshi holatda bo‘lmagan jamoada darhol o‘zini ko‘rsatish juda qiyin.

Agar «Liverpul» mavsumni zo‘r formada o‘tkazganida, Darvin 20 tadan ko‘proq gol urgan bo‘lardi. Unga faqat vaqt kerak.

U «Benfika»da o‘zini ko‘rsatdi, bu yerda til muammosi yo‘q», - dedi «Liverpul» bosh murabbiyi.