Amerika klubi muxlislari MLS o‘yinida Lionel Messi nomini aytib hayqirishdi.
«Inter Mayami» bugun o‘z uyida «Nyu-Inglend Revolyushn»ni mag‘lub etdi (2:1). Uchrashuvning 6-daqiqasida David Ruiz hisobni ochdi. Oradan ko‘p o‘tmay, mezbonlarning muxlislari «Messi! Messi! Messi!», – deyishdi.
Avvalroq AQSH jamoasining Messiga qiziqishi haqida bir necha bor xabar berilgandi.
Devid Bekxem boshchiligidagi «Inter» 2025 yilgacha, ya’ni Mayamidagi stadion ochilishigacha Leo bilan shartnoma imzolashi va buning uchun stadionning 5% ulushini unga berishi mumkinligi haqida xabarlar tarqalgan edi.
