"Barselona" futbolchisi Lamin Yamal tarixdagi eng yosh Ispaniya chempioni hisoblanadi.
15 yoshli vunderkind aprel oyi oxirida Xavi Ernandes jamoasidagi debyutini o‘tkazdi va La Liganing "Real Betis"ga qarshi o‘yinida (4:0) zaxiradan maydonga tushdi.
14 may kuni “Barselona” “Espanyol”ni mag‘lub etib (4:2) muddatidan avval chempionlikni qo‘lga kiritdi. Shunday qilib, MisterChip ma’lumotlariga ko‘ra, Yamal Ispaniya oliy divizionida g‘alaba qozongan eng yosh futbolchiga aylandi. Avvalgi rekordchi Mark Munyesa (17 yoshu 51 kun) edi, u ham faoliyatini boshida “Barselona” sharafini himoya qilgan, hozir esa Qatarning “Al Arabi” jamoasida o‘ynaydi.