«Barselona»ning sobiq hujumchisi Luis Suares Kataloniya klubi muxlislarini Ispaniya chempionatidagi g‘alaba bilan tabrikladi.

Eslatib o‘tamiz, kechagi derbida «Espanyol» ustidan qozonilgan g‘alaba «ko‘k-anorranglilar»ga 2019 yildan beri ilk bor La Liga chempionligini qo‘lga kiritish imkonini berdi.

«Barselona» muxlislarini La Ligadagi g‘alaba bilan tabriklayman. Rohatlaning, chunki bu turnirda g‘alaba qozonish har doim qiyin. Olg‘a Barselona!», - deb yozdi urugvaylik o‘zining ijtimoiy tarmoqlarida.

Eslatib o‘tamiz, Suares faoliyati davomida 5 marta Ispaniya chempioni bo‘lgan. Luis ushbu sovrinlarning 4 tasini «Barselona» bilan, oxirgisini esa «Atletiko Madrid» bilan 2021 yilda qo‘lga kiritgan.