«Барселона»нинг собиқ ҳужумчиси Луис Суарес Каталония клуби мухлисларини Испания чемпионатидаги ғалаба билан табриклади.
Эслатиб ўтамиз, кечаги дербида «Эспаньол» устидан қозонилган ғалаба «кўк-анорранглилар»га 2019 йилдан бери илк бор Ла Лига чемпионлигини қўлга киритиш имконини берди.
«Барселона» мухлисларини Ла Лигадаги ғалаба билан табриклайман. Роҳатланинг, чунки бу турнирда ғалаба қозониш ҳар доим қийин. Олға Барселона!», - деб ёзди уругвайлик ўзининг ижтимоий тармоқларида.
Эслатиб ўтамиз, Суарес фаолияти давомида 5 марта Испания чемпиони бўлган. Луис ушбу совринларнинг 4 тасини «Барселона» билан, охиргисини эса «Атлетико Мадрид» билан 2021 йилда қўлга киритган.
