"MYU" Dortmundning "Borussiya" klubi darvozaboni Gregor Kobelga qiziqish bildirmoqda.
The Independent nashri xabariga ko‘ra, "Manchester Yunayted" David De Xea bilan yangi shartnoma shartlari bo‘yicha muzokaralar davom etayotganiga qaramay, 25 yoshli darvozabonni sotib olish imkoniyatini ko‘rib chiqmoqda.
Erik ten Xag De Xea jamoada qolishini istaydi, lekin u darvozabonlar chizig‘ida raqobat yaratmoqchi. Murabbiy "Manchester Yunayted"da turli taktik variantlar bo‘lishini istaydi.
Kobel Ten Xagning talablariga juda mos keladi. De Xeadan farqli o‘laroq, u oyoqlari bilan o‘ynashni yaxshi biladi.
"Borussiya" Kobelga ko‘p klublar, jumladan "Chelsi" ham qiziqish bildirayotganidan xabardor. Shu sababli dortmundliklar darvozabonga yangi shartnoma taklif qilmoqchi.
Darvozabonning amaldagi shartnomasi muddati 2026 yilning yoziga qadar mo‘ljallangan.
Joriy mavsumda Kobel “Borussiya” safida barcha turnirlarda 33 ta o‘yin o‘tkazdi (shundan 14 tasida o‘z darvozasi daxlsizligini saqlab qoldi) va 35 ta gol o‘tkazib yubordi.
