"Frayburg" darvozaboni Mark Flekken "Brentford"ga o‘tishga yaqin turibdi, deya xabar beradi Bild.
Manbaga ko‘ra, tomonlar o‘rtasidagi muzokaralar allaqachon yakuniy bosqichda. "Brentford" klubi mavsum oxirida ispaniyalik David Rayya o‘rniga yangi darvozabon qidirmoqda. Avvalroq unga "Manchester Yunayted" va "Tottenxem" klublari qiziqayotgani haqida xabarlar tarqalgan edi.
Flekken “Frayburg” safida 2018 yildan beri to‘p suradi. Joriy mavsumda 29 yoshli darvozabon barcha turnirlarda 42 ta o‘yinda maydonga tushib, 54 ta gol o‘tkazib yuborgan va 15 marta o‘z darvozasi daxlsizligini saqlab qolgan.