"Фрайбург" дарвозабони Марк Флеккен "Брентфорд"га ўтишга яқин турибди, дея хабар беради Bild.
Манбага кўра, томонлар ўртасидаги музокаралар аллақачон якуний босқичда. "Брентфорд" клуби мавсум охирида испаниялик Давид Райя ўрнига янги дарвозабон қидирмоқда. Аввалроқ унга "Манчестер Юнайтед" ва "Тоттенхэм" клублари қизиқаётгани ҳақида хабарлар тарқалган эди.
Флеккен “Фрайбург” сафида 2018 йилдан бери тўп суради. Жорий мавсумда 29 ёшли дарвозабон барча турнирларда 42 та ўйинда майдонга тушиб, 54 та гол ўтказиб юборган ва 15 марта ўз дарвозаси дахлсизлигини сақлаб қолган.