"Rasing Montevideo" himoyachisi Alvaro Mourinyo faoliyatini Ispaniya chempionatida davom ettirishi mumkin. Bu haqda jurnalist Fabrisio Romanoning ijtimoiy tarmoqlarida xabar berildi.
Insayderga ma’lum bo‘lishicha, "Atletiko Madrid" futbolchi transferiga qiziqish bildirmoqda. Tomonlar muzokaralar olib borishdi va kelishuvni yakunlash arafasida.
“Matraschilar” Ispaniya chempionati turnir jadvalida 34-turdan keyin uchinchi o‘rinda bormoqda. Diyego Simeone shogirdlari so‘nggi o‘yinda "Elche"ga 0:1 hisobida mag‘lub bo‘lishdi.
"Atletiko" ikkinchi o‘rindagi "Real"dan ikki ochko ortda qolmoqda.
