«Arsenal» hujumchisi Gabriel Jezus «kanonirlar»ning joriy mavsumi haqida gapirar ekan, Angliya chempionatining keyingi mavsumida chempionlik uchun kurashishga tayyorligini ta’kidladi.

«Albatta, ko‘pchilik bu mavsumdagi o‘yinimizni muhokama qiladi va sharhlaydi. Yaxshi ishlayotganingizda, hamma o‘zini uning bir qismi sifatida his qilishni xohlaydi.

Ishlar rejadagidek ketmasa, tanqidchilar ham topiladi. APLda o‘ynash oson emas. Ligada g‘alaba qozonish uchun barcha imkoniyatlarimiz bor edi.

Afsuski, ba’zi o‘yinlarimizni yomon o‘tkazganimiz tufayli qo‘lga kiritishimiz mumkin bo‘lgan ochkolarni yo‘qotdik.

Mavsumga umumiy nazar tashlaydigan bo‘lsak, ko‘nglim to‘lmadi. Biz bu yerga ikkinchi o‘rin uchun kurashishga kelganimiz yo‘q.

Kelajakda chempionlik uchun kurashishda bu vaziyatdan saboq olishimiz kerak», - deya Jezusning so‘zlarini keltiradi ESPN.