"Atletiko Paranaense" hujumchisi Vitor Roke "Barselona"ning transfer maqsadi bo‘lib qolmoqda. Goal.com portali jurnalistlarining yozishicha, "ko‘k-anorranglilar" rahbariyati futbolchi uchun katta mablag‘ sarflashga tayyor.
Manbaga ko‘ra, "Barselona" 18 yoshli hujumchi uchun 45 million yevro taklif qilishni rejalashtirgan. Braziliyalik futbolchi uchun bahsda "Arsenal", "Chelsi", "Nyukasl" va PSJ jamoalari kataloniyaliklarning asosiy raqiblari sanaladi.
Qo‘shimcha qilamizki, Rokening amaldagi klubi bilan shartnomasi 2027 yilgacha mo‘ljallangan. Forvard allaqachon Braziliya terma jamoasiga chaqiruv olgan.