"Атлетико Паранаэнсе" ҳужумчиси Витор Роке "Барселона"нинг трансфер мақсади бўлиб қолмоқда. Goal.com портали журналистларининг ёзишича, "кўк-анорранглилар" раҳбарияти футболчи учун катта маблағ сарфлашга тайёр.
Манбага кўра, "Барселона" 18 ёшли ҳужумчи учун 45 миллион евро таклиф қилишни режалаштирган. Бразилиялик футболчи учун баҳсда "Арсенал", "Челси", "Ньюкасл" ва ПСЖ жамоалари каталонияликларнинг асосий рақиблари саналади.
Қўшимча қиламизки, Рокенинг амалдаги клуби билан шартномаси 2027 йилгача мўлжалланган. Форвард аллақачон Бразилия терма жамоасига чақирув олган.
