"Rayo Valyekano"ning chap qanot himoyachisi Fran Garsiya "Real"da Vinisius Junior bilan bir qanotda o‘ynashni orzu qilishini tan oldi. Eslatib o‘tamiz, "qaymoqranglilar" tarbiyalanuvchisi yozda o‘z jamoasiga qaytadi. Yanvar oyida "qirollik klubi" Garsiyani sotib olish huquqidan foydalangan.
"Men va Vinisius "Real"da bir qanotda o‘ynaymizmi? Albatta, men bu haqda orzu qilaman. Men buni ajoyib bo‘lishini tasavvur qila olaman", - dedi Garsiya Madrid Zone portaliga.
23 yoshli Garsiya Ispaniya chempionatining joriy mavsumida 2 ta gol urdi va 3 ta golli uzatmani amalga oshirdi. Futbolchi o‘zining ikkala golini "Atletiko Madrid" va "Barselona"ga urgan.