"Райо Вальекано"нинг чап қанот ҳимоячиси Фран Гарсия "Реал"да Винисиус Жуниор билан бир қанотда ўйнашни орзу қилишини тан олди. Эслатиб ўтамиз, "қаймоқранглилар" тарбияланувчиси ёзда ўз жамоасига қайтади. Январь ойида "қироллик клуби" Гарсияни сотиб олиш ҳуқуқидан фойдаланган.
"Мен ва Винисиус "Реал"да бир қанотда ўйнаймизми? Албатта, мен бу ҳақда орзу қиламан. Мен буни ажойиб бўлишини тасаввур қила оламан", - деди Гарсия Madrid Zone порталига.
23 ёшли Гарсия Испания чемпионатининг жорий мавсумида 2 та гол урди ва 3 та голли узатмани амалга оширди. Футболчи ўзининг иккала голини "Атлетико Мадрид" ва "Барселона"га урган.