Shu yilning 18 may kuni ayollar terma jamoalari o‘rtasida Parij-2024 saralashining 2-bosqichiga qur’a tashlash marosimi bo‘lib o‘tadi. Unda 12 jamoa 3ta guruhga bo‘linadi.
Xabiringiz bor, 1-bosqich o‘yinlar 1-12 aprel kunlari o‘tkazilgan bo‘lib, O‘zbekiston va yana 6ta terma jamoasi guruh g‘olibi sifatida ikkinchi bosqichga chiqqandi. Ikkinchi bosqichda ularning safiga reytingda yuqori pog‘onani egallagan 5 ta terma jamoa qo‘shiladi. Qur’adan avval 12 jamoa 4 ta savatchaga taqsimlandi.
1-savat: Avstraliya*, Yaponiya, Xitoy*
2-savat: Janubiy Koreya, Vyetnam, Xitoy Taypeyi
3-savat: Tailand, Filippin, O‘zbekiston*
4-savat: Hindiston, Eron, KXDR
Ikkinchi bosqich o‘yinlari 2023 yilning 23 oktyabridan 1 noyabrigacha bo‘lgan muddatda o‘tkaziladi. Guruh bosqichi o‘yinlari bir mamlakatda markazlashgan holda o‘tkaziladi. Guruhlardan biriga O‘zbekiston mezbonlik qiladi. Shuningdek, qolgan ikkita guruh o‘yinlari Avstraliya va Xitoyda tashkil etiladi. O‘zbekiston qolgan 2 ta mezbon bilan bir guruhdan o‘rin olmaydi. Shuning uchun 1-savatchadan O‘zbekistonga Yaponiya raqib bo‘ladi.
Bu bosqichda guruh g‘oliblari va 2-o‘rinni egallagan orasida eng yaxshi ko‘rsatkichga ega bo‘lgan bir jamoa keyin bosqichga yo‘l oladi.
