Шу йилнинг 18 май куни аёллар терма жамоалари ўртасида Париж-2024 саралашининг 2-босқичига қуръа ташлаш маросими бўлиб ўтади. Унда 12 жамоа 3та гуруҳга бўлинади.
Хабирингиз бор, 1-босқич ўйинлар 1-12 апрель кунлари ўтказилган бўлиб, Ўзбекистон ва яна 6та терма жамоаси гуруҳ ғолиби сифатида иккинчи босқичга чиққанди. Иккинчи босқичда уларнинг сафига рейтингда юқори поғонани эгаллаган 5 та терма жамоа қўшилади. Қуръадан аввал 12 жамоа 4 та саватчага тақсимланди.
1-сават: Австралия*, Япония, Хитой*
2-сават: Жанубий Корея, Вьетнам, Хитой Тайпейи
3-сават: Таиланд, Филиппин, Ўзбекистон*
4-сават: Ҳиндистон, Эрон, КХДР
Иккинчи босқич ўйинлари 2023 йилнинг 23 октябридан 1 ноябригача бўлган муддатда ўтказилади. Гуруҳ босқичи ўйинлари бир мамлакатда марказлашган ҳолда ўтказилади. Гуруҳлардан бирига Ўзбекистон мезбонлик қилади. Шунингдек, қолган иккита гуруҳ ўйинлари Австралия ва Хитойда ташкил этилади. Ўзбекистон қолган 2 та мезбон билан бир гуруҳдан ўрин олмайди. Шунинг учун 1-саватчадан Ўзбекистонга Япония рақиб бўлади.
Бу босқичда гуруҳ ғолиблари ва 2-ўринни эгаллаган орасида энг яхши кўрсаткичга эга бўлган бир жамоа кейин босқичга йўл олади.
