20 may kuni Argentinada yoshlar o‘rtasidagi jahon chempionatiga start beriladi. Unda O‘zbekiston yoshlar terma jamoasi ham ishtirok etadi. Sloveniya terma jamoasi sobiq futbolchisi Suad Filekovich "Match TV"ga bergan intervyusida O‘zbekiston U20 jamoasidan nimalar kutayotgani haqida to‘xtalib o‘tdi.

— Yoshlar o‘rtasidagi jahon chempionatiga qiziqish yuqori. Yevropa klublari mazkur turnirda ishtirok etadigan bo‘lajak yulduzlarni diqqat bilan kuzatishadi. Yevropada o‘ynayotgan janubiy amerikaliklarning soni ko‘p. O‘ylashimcha, Afrika ham tez orada yaxshi futbolchilarni Yevropaga yetkazib bera boshlaydi.

— Turnir favoriti kim?
— Argentina. Ular o‘z uyidagi o‘ynashadi. Shuningdek, Braziliyani ham unutmaslik kerak. Bu turnirda qandaydir yangi gap aytish qiyin.

— O‘zbekiston terma jamoasi ketma-ket ikki marta — 2013 va 2015 yillarda chorak finalgacha yetib borgan. Bu jamoa yana hayron qoldirishi mumkinmi?
— Ko‘ramiz. Argentinadagi turnirda futbol jihatdan top mamlakatlar asosiy rolda bo‘ladi. O‘zbekiston yoshlar o‘rtasidagi JCHda bir necha marta ishtirok etgan bo‘lsa-da, ushbu mamlakat futbolchilarida yirik turnirlarda ishtirok etish tajribasi yo‘q. Masalan, Argentina, Braziliya, Germaniya yoki Ispaniyada shunday tajriba bor. Har holda ushbu omil katta ahamiyatga ega. Har qanday holatda ham O‘zbekistonga omad tilayman. Futbol shunisi bilan qiziqki, unda hamma narsa ro‘y berishi mumkin.

Argentinada katta futbol ko‘rgazmasi bo‘ladi. Yevropa futbolida pul ko‘p. Shunday ekan bizni yosh futbolchilar uchun rekord miqdordagi transferlar kutayotgan bo‘lishi mumkin.

Eslatib o‘tamiz, O‘zbekiston yoshlar terma jamoasi "A" guruhida Argentinada, Yangi Zelandiya va Gvatemalaga qarshi bahslarda ishtirok etadi. Turnirdagi ochilish o‘yini esa Argentina va O‘zbekiston o‘rtasida bo‘lib o‘tadi.