20 май куни Аргентинада ёшлар ўртасидаги жаҳон чемпионатига старт берилади. Унда Ўзбекистон ёшлар терма жамоаси ҳам иштирок этади. Словения терма жамоаси собиқ футболчиси Суад Филекович "Матч ТВ"га берган интервьюсида Ўзбекистон U20 жамоасидан нималар кутаётгани ҳақида тўхталиб ўтди.

— Ёшлар ўртасидаги жаҳон чемпионатига қизиқиш юқори. Европа клублари мазкур турнирда иштирок этадиган бўлажак юлдузларни диққат билан кузатишади. Европада ўйнаётган жанубий америкаликларнинг сони кўп. Ўйлашимча, Африка ҳам тез орада яхши футболчиларни Европага етказиб бера бошлайди.

— Турнир фаворити ким?
— Аргентина. Улар ўз уйидаги ўйнашади. Шунингдек, Бразилияни ҳам унутмаслик керак. Бу турнирда қандайдир янги гап айтиш қийин.

— Ўзбекистон терма жамоаси кетма-кет икки марта — 2013 ва 2015 йилларда чорак финалгача етиб борган. Бу жамоа яна ҳайрон қолдириши мумкинми?
— Кўрамиз. Аргентинадаги турнирда футбол жиҳатдан топ мамлакатлар асосий ролда бўлади. Ўзбекистон ёшлар ўртасидаги ЖЧда бир неча марта иштирок этган бўлса-да, ушбу мамлакат футболчиларида йирик турнирларда иштирок этиш тажрибаси йўқ. Масалан, Аргентина, Бразилия, Германия ёки Испанияда шундай тажриба бор. Ҳар ҳолда ушбу омил катта аҳамиятга эга. Ҳар қандай ҳолатда ҳам Ўзбекистонга омад тилайман. Футбол шуниси билан қизиқки, унда ҳамма нарса рўй бериши мумкин.

Аргентинада катта футбол кўргазмаси бўлади. Европа футболида пул кўп. Шундай экан бизни ёш футболчилар учун рекорд миқдордаги трансферлар кутаётган бўлиши мумкин.

Эслатиб ўтамиз, Ўзбекистон ёшлар терма жамоаси "А" гуруҳида Аргентинада, Янги Зеландия ва Гватемалага қарши баҳсларда иштирок этади. Турнирдаги очилиш ўйини эса Аргентина ва Ўзбекистон ўртасида бўлиб ўтади.