«PSV» safida to‘p tepayotgan ivuarlik yarim himoyachi Ibrohim Sangare Fransiyaning «PSJ» klubi qiziqish doirasiga tushib qoldi.

Bu haqda Eindhovens Dagblad jurnalistlari xabar bermoqda.

Manbaga ko‘ra, fransuz grandi yozgi transfer oynasida 25 yoshli futbolchining transferini amalga oshirishi mumkin.

Potensial bitim summasi 37 million yevroga baholanmoqda. Afrikalik futbolchining Gollandiya klubi bilan mehnat shartnomasi 2027 yilning o‘rtalariga qadar tuzilgan.

Sangare joriy mavsum Erediviziya klubi safida 27 ta o‘yinda maydonga tushib, 4 ta gol urdi va bitta golli uzatmani amalga oshirdi.