YECHL. «Inter» - «Milan» o‘yiniga oid raqamlar

Baho:

+ | -

Bo'lim: YEVROPA / UYEFA chempionlar ligasi / Statistika va faktlar

Rukn: Yangiliklar

Yevropa Chempionlar Ligasining yarim final javob uchrashuvi doirasida “Inter” o‘z uyida “Milan”ni 1:0 hisobida mag‘lub etdi.

Uchrashuvga oid raqamlar va faktlar

“Milan” va “Inter” tarixda birinchi marta bir mavsum davomida 5 marta o‘zaro to‘qnash keldi. 1973/74 yilgi mavsumdan keyin ilk bor “Inter” hamshaharini bir mavsum davomida 4 marta mag‘lub etdi.

“Inter” o‘z tarixida oltinchi marta Chempionlar Ligasi finaliga chiqdi. Bungacha jamoa 1963/64, 1964/65, 1966/67, 1971/72, 2009/10 yilgi mavsumlarda musobaqa finaligacha yetib kelgan. Milanliklar musobaqaning 3 karra g‘olibi (1962, 1965, 2010) hisoblanadi. “Inter” o‘zi uchun oxirgisi bo‘lib turgan 2010 yilgi finalda Joze Mourinyo boshqaruvida g‘alaba qozongandi.

“Milan” uchinchi marta Yevropa Chempionlar Ligasi yarim finalidan o‘ta olmadi. Jamoa bungacha 1955/56 yilgi mavsumda “Real Madrid” va 2005/06 yilgi mavsumda “Barselona”ga mag‘lub bo‘lgandi.

Italiya klubi 6 yil deganda ilk bor YECHL finaliga chiqdi. Oxirgi marta “Yuventus” 2016/17 yilgi mavsum finalida qatnashgan va “Real”ga yutqazgandi.

“Inter” futbolchisi Genrix Mxitaryan Yevropa Chempionlar Ligasi finaliga chiqqan birinchi armanistonlik futbolchiga aylandi. U yarim finalning dastlabki uchrashuvida “Milan” darvozasiga gol urgandi.

“Milan” o‘z tarixida birinchi marta “Inter”ga qarshi qatorasiga 4 ta uchrashuvda gol ura olmay (0:1, 0:2, 0:1, 0:3), mag‘lub bo‘ldi.

Lautaro Martines “Inter” safida Chempionlar Ligasidagi o‘ninchi golini urdi va bu borada Samyuuel Eto'O bilan tenglashib oldi. Faqat Adriano (14), Xulio Kruz (13) va Ernan Krespo (11) undan ko‘proq gol urgan. Shuningdek, argentinalik futbolchi faoliyati davomida birinchi marta ketma-ket ikki mavsumda 25 ta gol urdi.

Shuningdek, Lautaro “Milan”ga 8 marta gol urdi. “Inter” tarixida faqat Juzeppe Meassa (12) va Ishtvan Niyeresh (11) yaxshiroq natijaga ega.

Simone Inzagi “Inter” bilan Yevropaning birinchi raqamli turniri finaliga chiqqan ikkinchi italiyalik murabbiy bo‘ldi. Bungacha 1972 yilda Jovanni Invernissi “neradzuri” bilan Chempionlar Kubogi finaliga chiqqan. Unda jamoa “Ayaks”ga 0:2 hisobida mag‘lub bo‘lgandi.

Manba: daryo.uz

Kiritildi: 20:50, 17.05.2023.
O'qildi: 1325 marta.
Fikrlar: 0 ta.

Eng ko'p o'qilgan yangiliklar

"Real" Alaba va Militao o‘rniga ikki yulduz markaziy himoyachi tanladi [4746]

"Real" yoki "Barselona": Niko Uilyams tanlov qildi [3196]

Salohning APL tarixida bunday natijaga erishgan ilk futbolchiga aylandi [2574]

Boks. Usik - Fyuri jangi videosharhi [2420]

"Barselona"da Flikka bo‘lgan ishonch pasaydimi? [2260]

"Lans" bugun Fransiya kubogida "PSJ"ni qabul qiladi (qaydnoma) [2204]

"Barselona" Arauxoga nisbatan ilmoqli xabar tashlagan edi, ammo... [2169]

"Barsa" "Chelsi"ga keraksiz hujumchiga qiziqmoqda [2132]

"Roma"ning bugungi o‘yin uchun qaydnomasi e’lon qilindi [1912]

Ziyesh Premyer-ligaga qaytishi mumkin [1852]

Tizimga kirish
El. pochta:
Parol:
	Esda saqlash

registrasiya \| parolni tiklash

22/12 00:45	Lechche	1-2	Lasio
22/12 01:00	Barselona	1-2	Atletiko
22/12 16:30	Roma	5-0	Parma
22/12 18:00	Valensiya	2-2	Alaves
22/12 19:00	Fulhem	0-0	Sautgempton
22/12 19:00	Lester	0-3	Vulverhempton
22/12 19:00	Man. Yunayted	0-3	Bornmut
22/12 19:00	Everton	0-0	Chelsi
22/12 19:00	Venetsiya	2-1	Kalyari
22/12 20:15	Real Madrid	4-2	Sevilya
22/12 21:30	Tottenhem	3-6	Liverpul
22/12 22:00	Atalanta	3-2	Empoli
22/12 22:30	Leganes	2-5	Vilyarreal
22/12 22:30	Las-Palmas	1-0	Espanyol
23/12 00:45	Monsa	1-2	Yuventus
23/12 01:00	Betis	1-1	Rayo Valyekano
23/12 22:30	Fiorentina	-	Udineze
24/12 00:45	Inter	-	Komo