"Brentford" hujumchisi Ayven Touni 8 oyga diskvalifikasiya qilindi.

Bu qarorni Angliya futbol assosiasiyasi (FA) qabul qildi. Cheklov darhol kuchga kiradi va futbolchi 50 000 funt sterling miqdorida ham jarimaga tortiladi.

Futbolchining jazolanishi stavkalar bo‘yicha reglamentning buzilishi bilan bog‘liq. Avvalroq, FA hujumchiga 2017 yilning 25 fevralidan 2021 yilning 23 yanvarigacha bo‘lgan vaqt oralig‘ida 262 ta qoidabuzarlik holatlari bo‘yicha ayblov qo‘ygan, keyin esa 30 ta ayblov bekor qilingan.

Touni klub bilan mashg‘ulotlarni faqat 4 oydan keyin - 17 sentyabrdan boshlashi mumkin.

E’tiborlisi, Ayvon Premyer-liganing joriy mavsumi to‘purarlari ro‘yxatida 3-o‘rinni egallab turibdi, u 20 ta gol urgan.