"Брентфорд" ҳужумчиси Айвен Тоуни 8 ойга дисквалификация қилинди.
Бу қарорни Англия футбол ассоциацияси (FA) қабул қилди. Чеклов дарҳол кучга киради ва футболчи 50 000 фунт стерлинг миқдорида ҳам жаримага тортилади.
Футболчининг жазоланиши ставкалар бўйича регламентнинг бузилиши билан боғлиқ. Аввалроқ, FA ҳужумчига 2017 йилнинг 25 февралидан 2021 йилнинг 23 январигача бўлган вақт оралиғида 262 та қоидабузарлик ҳолатлари бўйича айблов қўйган, кейин эса 30 та айблов бекор қилинган.
Тоуни клуб билан машғулотларни фақат 4 ойдан кейин - 17 сентябрдан бошлаши мумкин.
Эътиборлиси, Айвон Премьер-лиганинг жорий мавсуми тўпурарлари рўйхатида 3-ўринни эгаллаб турибди, у 20 та гол урган.
