O‘zbekiston kubogi  “F” guruhi, 2-turidan o‘rin olgan “Navbahor” – “Andijon” o‘rtasidagi “vodiy derbisi” uchrashuvi arafasida “lochinlar”ning 22 yoshli mahoratli yarim himoyachisi Oston O‘runov bo‘lajak o‘yin haqidagi fikrlari bilan o‘rtoqlashdi.

"Qanday musobaqa bo‘lishidan qat’iy nazar,“vodiy derbisi” bahslari doimo keskin va shiddatli kurashlar ostida kechgan hamda bu safargi andijonliklar bilan bo‘ladigan o‘yin ham bundan mustasno bo‘lmaydi, albatta.

Biz – futbolchilar bo‘lajak bellashuvda g‘alaba qozonish, muxlislarga quvonch ulashish, muddatidan oldin “pley-off”yo‘llanmasini qo‘lga kiritishga harakat qilamiz hamda buni amalga oshirish uchun barcha imkoniyatimizni ishga solamiz. Boisi, joriy mavsumda O‘zbekiston kubogini ham qo‘lga kiritishni niyat qilganmiz, va inshoolloh, buni uddalaymiz.

Ishqibozlardan esa jamoamizni bevosita stadionda munosib tarzda qo‘llab-quvvatlab, g‘alabamizga madadkor bo‘lishlarini so‘rab qolaman.  

“Navbahor” joriy mavsumda o‘zi qatnashadigan barcha musobaqalarda zafar quchishni maqsad qilgan. Buni amalga oshirish uchun biz – futbolchilar qo‘ldan kelganicha harakat qilamiz", — dedi O‘runov klub matbuot xizmatiga bergan intervyusida.

“Navbahor” PFK matbuot xizmati.