"Inter" yarim himoyachi Genrix Mxitaryanning sog‘lig‘i borasida bayonot berdi.

Armanistonlik futbolchi Chempionlar ligasi 1/2 finalining “Milan”ga qarshi javob uchrashuvida (1:0, birinchi o‘yin – 2:0) jarohat oldi. U 44-daqiqada almashtirildi.

“Bugun ertalab Genrix Mxitaryan ko‘rikdan o‘tdi. "Neradzurrilar" yarim himoyachisining chap soni mushaklari cho‘zilgan. Uning ahvoli yaqin kunlarda qayta ko‘rib chiqiladi", - deyiladi klub xabarida.

“Inter” Chempionlar ligasi finalida “Manchester Siti”ga qarshi maydonga tushadi. O‘yin 10 iyun kuni Istanbulda bo‘lib o‘tadi.