Angliya Premyer-ligasi mavsumning eng yaxshi futbolchisi bo‘lish uchun nomzodlar ro‘yxatini e’lon qildi.

Nomzodlar: Kevin de Bryuyne, Erlin Xoland (“Manchester Siti”), Xarri Keyn (“Tottenxem”), Martin Edegor, Bukayo Saka (“Arsenal”), Markus Reshford (“Manchester Yunayted”) va Kiran Trippyer (“Nyukasl”).

G‘olib muxlislar va mutaxassislarning ovoz berish natijalariga ko‘ra aniqlanadi. Mukofot g‘olibi nomi 27 may kuni e’lon qilinadi.

36-turdan keyin “Manchester Siti” APL turnir jadvalida 85 ochko bilan peshqadamlik qilmoqda va ikkinchi o‘rindagi “Arsenal”ni 4 ochkoga ortda qoldirmoqda. Aytish joizki, Xosep Gvardiola jamoasida yana bir zaxira o‘yini bor.