"Bavariya" bosh murabbiyi Tomas Tuxel jamoasining Germaniya chempionatida g‘alaba qozonish imkoniyatlariga baho berdi. Bundesliga yakunlanishiga ikki tur qolganda Myunxen klubi Dortmundning "Borussiya" jamoasidan bir ochko oldinda.
"Ilgari "Bavariya" chempionlikni muddatdan oldin qo‘lga kiritardi, ammo hozir hammasi boshqacha. Biz o‘zimizga e’tibor qaratishni va vazifalarni bosqichma-bosqich bajarishni xohlaymiz. Oldinda bizni "Leypsig" timsolida juda qiyin raqib kutib turibdi. Biz yaxshi o‘yin ko‘rsatmoqchimiz. Biz uch ochko olishni maqsad qilganmiz", - dedi Tuxel matbuot anjumanida.
"Bavariya" so‘nggi bor 2011/12 yilgi mavsumda Bundesligada g‘alaba qozona olmagan, o‘shanda Dortmundning "Borussiya" jamoasi chempionlikni qo‘lga kiritgandi.