"Бавария" бош мураббийи Томас Тухель жамоасининг Германия чемпионатида ғалаба қозониш имкониятларига баҳо берди. Бундеслига якунланишига икки тур қолганда Мюнхен клуби Дортмунднинг "Боруссия" жамоасидан бир очко олдинда.
"Илгари "Бавария" чемпионликни муддатдан олдин қўлга киритарди, аммо ҳозир ҳаммаси бошқача. Биз ўзимизга эътибор қаратишни ва вазифаларни босқичма-босқич бажаришни хоҳлаймиз. Олдинда бизни "Лейпциг" тимсолида жуда қийин рақиб кутиб турибди. Биз яхши ўйин кўрсатмоқчимиз. Биз уч очко олишни мақсад қилганмиз", - деди Тухель матбуот анжуманида.
"Бавария" сўнгги бор 2011/12 йилги мавсумда Бундеслигада ғалаба қозона олмаган, ўшанда Дортмунднинг "Боруссия" жамоаси чемпионликни қўлга киритганди.