"Manchester Yunayted" "Bavariya" yarim himoyachisi Rayan Gravenberxga qiziqish bildirmoqda. Jurnalist Kristian Falkning so‘zlariga ko‘ra, "qizil iblislar" agar futbolchi yaqinlashib kelayotgan mavsum oralig‘ida transferga qo‘yilsa, uni sotib olishga harakat qiladi.
"Manchester Yunayted" bosh murabbiyi Erik ten Xag o‘tgan yozda Gravenberxni "Ayaks"dan "Old Trafford"ga olib ketmoqchi edi, biroq futbolchi "Bavariya"ni tanladi. Niderlandiyalik futbolchiga Myunxenda muntazam o‘yin amaliyoti berilmayapti, bu esa, albatta, Rayanga yoqmayapti.
Agar "Bavariya" Gravenberxni sotishga rozi bo‘lsa, "Manchester Yunayted" boshqa ingliz klubi - "Liverpul" bilan transfer uchun kurashishi kerak.