"Манчестер Юнайтед" "Бавария" ярим ҳимоячиси Райан Гравенберхга қизиқиш билдирмоқда. Журналист Кристиан Фалькнинг сўзларига кўра, "қизил иблислар" агар футболчи яқинлашиб келаётган мавсум оралиғида трансферга қўйилса, уни сотиб олишга ҳаракат қилади.
"Манчестер Юнайтед" бош мураббийи Эрик тен Хаг ўтган ёзда Гравенберхни "Аякс"дан "Олд Траффорд"га олиб кетмоқчи эди, бироқ футболчи "Бавария"ни танлади. Нидерландиялик футболчига Мюнхенда мунтазам ўйин амалиёти берилмаяпти, бу эса, албатта, Райанга ёқмаяпти.
Агар "Бавария" Гравенберхни сотишга рози бўлса, "Манчестер Юнайтед" бошқа инглиз клуби - "Ливерпуль" билан трансфер учун курашиши керак.