"Vest Xem" va "Aston Villa" 55 million yevroga baholangan "Lester" vingeri Xarvi Barnsga da’vogarlik qilmoqda. Jurnalist Sami Mokbelaning fikricha, agar "Lester" Chempionshipga tushib ketsa, hozirgi jamoasini tark etish ehtimoli katta.
Eslatib o‘tamiz, Angliya Premyer-ligasining so‘nggi turi oldidan "Lester" 17-o‘rindan ikki ochko ortda qolmoqda. Barns quyi ligaga tushib ketgan taqdirda rahbariyatdan uni boshqa jamoaga qo‘yib yuborishni so‘raydi.
Barnsning joriy mavsumda Premyer-ligada 12 ta gol va 1 ta golli uzatmasi bor. Bu mavsumda “Lester”ning hech bir futbolchisi undan ko‘proq gol urgani yo‘q.