O‘zbekiston Respublikasi Prezidentining "Ommaviy va professional futbolni har tomonlama rivojlantirishning qo‘shimcha chora-tadbirlari to‘g‘risidagi qarori ijrosini ta’minlash maqsadida hududlarda futbolni rivojlantirish va bolalar futbolidagi olib borilayotgan ishlar va mavjud kamchiliklarni tahliliga bag‘ishlangan yig‘ilish bo‘lib o‘tdi.

Videoanjuman shaklida o‘tkazilgan yig‘ilishda O‘FA bosh kotibi Avaz Maksumov, hududiy futbol assosiasiyalar bilan ishlash bo‘limi boshlig‘i Baxtiyor Shirinov, Bolalar futbolini rivojlantirish bo‘limi boshlig‘i Ma’mur Saidqosimov, Kadrlar bo‘yicha bosh mutaxassis Olimjon Yuldashev, hududiy futbol assosiasiyalar vise-prezidentlari, texnik direktorlar va bolalar futboliga ma’sul mutaxasisslar ishtirok etishdi.

Kun tartibiga ko‘ra  dastlab hududlarda  "Football for school's" - "Maktablarda futbol" dasturi bo‘yicha amalga oshirilayotgan ishlar va kelajakdagi rejalar, hususan amaliy va nazariy seminar mashg‘ulotlarini yozgi oromgohlarda o‘tkazish, FIFA tomonidan ishlab chiqilgan "Football for school's" mobil platformasi bo‘yicha seminar mashg‘ulotlarini nazorat qilib borish bo‘yicha kerakli ko‘rsatmalar berildi.

1-iyun "Xalqaro bolalarni ximoya qilish kuni" va "Ommaviy futbol" kuni munosabati bilan o‘tkaziladigan futbol festivallarini hududlarda ommaviy fleshmob tarzida  umumta’lim maktablarida o‘tkazish,  nodavlat (xususiy) futbol maktablari faoliyatini muvofiqlashtirish va ularga ko‘maklashish, Hududlardagi oliy o‘quv yurtlarida taxsil olayotgan talabalar o‘rtasida "Talabalar ligasi" futbol tadbirlarini o‘tkazish, hududiy futbol akademiyalar va futbol maktablarida amalga oshirilayotgan ishlar to‘g‘risidagi ma’lumotlarni hududiy futbol assosiasiyalar nazorat qilib borish bo‘yicha topshiriqlar berildi. Yig‘ilish yakunida esa joriy yilning 13-18 may kunlari bo‘lib o‘tgan "Sport maktablari futbol ligasi" O‘zbekiston chempionati yakunlari taxlil qilindi.