"Arsenal" himoyachisi Sedrik Soaresh keyingi mavsumda Mikel Arteta jamoasida qolmoqchi. Jurnalist Saymon Kollings xabariga ko‘ra, portugaliyalik futbolchi "kanonirlar" safida asosiy tarkibdan joy olish uchun kurashish niyatida.
Eslatib o‘tamiz, "Arsenal" Soareshga ishonmaydi va yangi o‘ng qanot himoyachisi sotib olmoqchi. Mikel Artetaga nomzodlardan biri "Manchester Siti"ga tegishli, ammo "Bavariya"da ijara asosida o‘ynayotgan Joau Kanselu.
Soaresh joriy mavsumning ikkinchi yarmini “Fulxem”da ijara asosida o‘tkazmoqda. Takexiro Tomiyasuning jarohati, agar klub yangi o‘ng qanot himoyachisini xarid qilmasa, portugaliyalikning "Arsenal"ga qaytishiga yordam berishi mumkin.
