"Арсенал" ҳимоячиси Седрик Соареш кейинги мавсумда Микель Артета жамоасида қолмоқчи. Журналист Саймон Коллингс хабарига кўра, португалиялик футболчи "канонирлар" сафида асосий таркибдан жой олиш учун курашиш ниятида.

Эслатиб ўтамиз, "Арсенал" Соарешга ишонмайди ва янги ўнг қанот ҳимоячиси сотиб олмоқчи. Микель Артетага номзодлардан бири "Манчестер Сити"га тегишли, аммо "Бавария"да ижара асосида ўйнаётган Жоау Канселу.

Соареш жорий мавсумнинг иккинчи ярмини “Фулхэм”да ижара асосида ўтказмоқда. Такехиро Томиясунинг жароҳати, агар клуб янги ўнг қанот ҳимоячисини харид қилмаса, португалияликнинг "Арсенал"га қайтишига ёрдам бериши мумкин.