Noma’lum shaxslar Jastin Klyuyvertning uyini talon-taroj qilishdi.
Voqea kecha tunda yuz bergan. “Valensiya” futbolchisining uyiga bir necha qalpoqli erkak bostirib kirib, uning sevgilisini kaltaklagan va umumiy qiymati 200 ming yevroga teng bo‘lgan taqinchoqlar va soatlarni o‘g‘irlagan.
O‘g‘rilik Klyuyvertning sevgilisi iti bilan sayrdan qaytayotganida sodir bo‘lgan. Hujum qilganlar qimmatbaho buyumlar qayerdaligini aytish uchun uni kaltaklashgan. Polisiya ma’lumotlariga ko‘ra, hujum besh daqiqadan ko‘p davom etmagan.
Jastinning sevgilisi yengil jarohatlar oldi, ammo shok holatida edi. Futbolchi uyda yo‘q edi - u "Valensiya" jamoasi bilan o‘yinga tayyorgarlik ko‘rayotgan "Malyorka"da edi.