Номаълум шахслар Жастин Клюйвертнинг уйини талон-тарож қилишди.
Воқеа кеча тунда юз берган. “Валенсия” футболчисининг уйига бир неча қалпоқли эркак бостириб кириб, унинг севгилисини калтаклаган ва умумий қиймати 200 минг еврога тенг бўлган тақинчоқлар ва соатларни ўғирлаган.
Ўғрилик Клюйвертнинг севгилиси ити билан сайрдан қайтаётганида содир бўлган. Ҳужум қилганлар қимматбаҳо буюмлар қаердалигини айтиш учун уни калтаклашган. Полиция маълумотларига кўра, ҳужум беш дақиқадан кўп давом этмаган.
Жастиннинг севгилиси енгил жароҳатлар олди, аммо шок ҳолатида эди. Футболчи уйда йўқ эди - у "Валенсия" жамоаси билан ўйинга тайёргарлик кўраётган "Мальорка"да эди.