"Bavariya" bosh murabbiyi Tomas Tuxel "Yuventus" hujumchisi Dushan Vlaxovichga qiziqish bildirmoqda, deya xabar berdi Florian Plettenberg.
Jurnalistning so‘zlariga ko‘ra, Tuxel serbiyalik hujumchi "Bavariya"ga mos kelishiga ishonchi komil, ammo myunxenliklar rahbariyati Vlahovich nomzodiga shubha qilmoqda.
23 yoshli hujumchi o‘tgan yilning yanvar oyidan beri "Yuventus"da to‘p surmoqda. Joriy mavsumda serb barcha turnirlarda 43 ta o‘yin o‘tkazib, 14 ta gol urdi va 4 ta golli uzatmani amalga oshirdi. Transfermarkt portali uning narxini 75 million yevroga baholamoqda.













