"Buxoro" bosh murabbiyi Ulug‘bek Baqoyevning Superliganing 12-turi doirasida bo‘lib o‘tgan OKMKga qarshi o‘yin (1:3) borasida o‘z fikrlari bilan o‘rtoqlashdi.

“O‘yinning startini yaxshi boshlagan edik. Himoyachilarning xatosidan so‘ng darvozamizdan to‘p olib chiqdik, uning ustiga qulay vaziyatlardan ham foydalana olmadik. Orqa chiziqda qilingan qo‘pol xatolar va vaziyatlardan foydalanmaslik oqibatida bugun mag‘lubiyatga uchradik.

Albatta ikkinchi davrada 5 nafardan ko‘proq o‘yinchi olishni xohlaymiz, ammo reglament bunga to‘sqinlik qiladi. Seleksiya ishlari davom etyapti, maksimal darajada tarkibni kuchaytirishga harakat qilamiz.

Futbolchilarimizning darajasidan kelib chiqib o‘yin ko‘rsatyapmiz. Bilmadim mavsum boshida seleksiya ishlari qanday olib borilgan.

Xatolar ustida ishlaymiz va keyingi o‘yinlarda ijobiy natija ko‘rsatishga harakat qilamiz. O‘yinchilarga bugungi ko‘rsatgan o‘yini uchun rahmat”, — dedi Baqoyev.