"Milan" hali ham "Real" vingeri Marko Asensioni o‘z safiga qo‘shib olmoqchi.
Ispaniyalik futbolchi "Real"dan ketishga yaqinlashmoqda - u hali ham kelasi oy tugaydigan shartnomasini uzaytirgani yo‘q. Angliya Premyer-ligasi klublari va Fransiyaning "PSJ" klubiga Asensioning bozorda mavjudligi haqida allaqachon ma’lum qilingan. Jurnalist Daniele Longoning yozishicha, uzoq vaqtdan beri 27 yoshli futbolchini taklif qilish masalasini o‘rganib kelayotgan "Milan" poygadan chiqmayapti. Asensio uchun bahsda raqobat juda yuqori va "rossonerilar" hozircha futbolchiga asosiy da’vogarlar emas.
Marko Asensio joriy mavsum “Real” safida 50 ta o‘yinda maydonga tushdi. Uning hisobida 12 ta gol va 8 ta golli uzatma bor.