Matbuotda «PSJ» darvozaboni Serxio Rikoning otdan yiqilib tushishi natijasida og‘ir jarohat olgani haqida ma’lumotlar kelib tushmoqda.

Avvalroq Ispaniyada 29 yoshli futbolchining shanba kuni jarohat olgani xabar qilingandi, bu esa sarosimaga sabab bo‘ldi, chunki Riko kecha Fransiya chempionati doirasida «Strasburg»ga qarshi o‘yinda zaxirada o‘tirgan edi.

Endigi ma’lumotlarga ko‘ra, o‘yindan so‘ng Serxio darhol Ispaniyaga ketgan va u yerda yakshanba kuni yoqimsiz voqea sodir bo‘lgan.

Ba’zi manbalar Riko hozirda og‘ir ahvolda ekanini aytmoqda.