Xarri Maguayr yozgi transfer oynasida "Manchester Yunayted"ni tark etadi. Give Me Sport xabariga ko‘ra, 30 yoshli futbolchi ijaraga beriladi.
Qayd etilishicha, Maguayrga "Vest Xem" qiziqish bildirmoqda. Biroq himoyachi A Seriya grandlarining ham qiziqishida turibdi. Manbaga ko‘ra, gap "Inter", "Milan", "Yuventus" va "Roma" haqida ketmoqda.
2022/2023 yilgi mavsumda Xarri Maguayr “Manchester Yunayted” safida 30 ta rasmiy o‘yin o‘tkazdi.
Futbolchi samarali harakatlari bilan ajralib turmadi. Eslatib o‘tamiz, transfermarkt portali mutaxassislari futbolchini 25 million yevroga baholamoqda.